A Xunta executou obras no CEIP de Cervo para poñer en marcha un Polo creativo, un dos espazos tecnolóxicos que está a impulsar a Consellería de Cultura, Educación, FP e Universidades co fin de que os rapaces traballen competencias en ciencia, tecnoloxía, enxeñería e matemáticas.

O conselleiro de Cultura, Educación, FP e Universidades, Román Rodríguez, salienta a aposta do Goberno Galego por un sistema de ensino innovador e adaptado ás novas necesidades de futuro no que os Polos Creativos van marcar “un antes e un despois na educación galega do século XXI”.

A ampliación destes espazos tecnolóxicos en todos os centros públicos e concertados que imparten 2º ciclo de infantil, primaria e ESO consolida que o sistema educativo galego está “á vangarda” no uso e aprendizaxe das novas tecnoloxías.

A representante da Consellería de Cultura, Educación, FP e Universidades salientou as posibilidades que estes espazos supoñen para que o alumnado desenvolva as súas competencias STEM, así como a co-creación, a solución de problemas reais e o pensamento de deseño.

A Xunta de Galicia impulsa tres Polos Creativos en Tomiño, nos colexios Plurilingüe de Tebra e de Sobrada e no instituto IES Antón Alonso Ríos.