Galiverso somerxido

Galiverso somerxido

 

1. A que universo vas entrar? Tipo de experiencia.

  • Patrimonio natural 
  • Patrimonio submarino
  • Arquoloxía

2. Que vai acontecer dentro do mundo virtual? Descrición breve.

O propósito principal é a visita dunha zona dificilmente visitable polo público en xeral. Desprazándonos polos fondos mariños da ría de Vigo, mentres se explora fauna e flora, chegamos ao pecio do Achondo, emprazado a 38 metros de profundidade na saída sur da Ría.

3. A maxia que o fai posible esta experiencia. Tecnoloxía empregada. 

  • Realidade Virtual inmersiva 360° 
  • Modelado 3D (reconstrución dixital)
  • Fotogrametría / escaneo 3D do patrimonio
  • Simulación de movemento
  • Interacción básica (mirar, seleccionar, cambiar escena)
  • Intelixencia artificial

4. O corazón desta viaxe. Puntos salientables da exposición.

  • Pecio do Achondo a 38 metros de profundidade. Especial dificultade para a súa gravación en 360º, xa que se grava en periodos de 10 minutos por mor da presión.
  • Todo o fondo mariño está fotogrametrizado, co volume que leva parello un solapamento de imaxes do 90%.
  • O resto da escena está dixitalizada, solución derivada da complexidade de captar bancos de peixe en vivo.
  • Os arroaces alimentándose no cardume de sardiña (32.000 individuos). Fíxose implementando Intelixencia artificial.

 

5. Onde mirar para non perder o mellor. Elementos visuais destacados.

  • Cardume de sardiñas e arroaces
  • Especies senlleiras como o rorcual
  • O mundo submarino baixo as bateas
  • A diversidade de peixes, crustáceos e invertebrados mariños
  • Pecio do Achondo

6. O que levarás contigo ao saíres. Que aprenden as persoas usuarias?

  • Competencia persoal, social e de aprender a aprender
  • Competencia matemática e en ciencia, tecnoloxía e enxeñaría
  • Competencia dixital 

7. Para seguir viaxando fóra do visor. Propostas didácticas.

Antes da RV: 

  • Investigar sobre o naufraxio do Achondo. Coñecer as especies animais e vexetais dos fondos das diferentes rías de Galicia. 
  • Quen era Alexis Macía Díaz?   

Durante a RV: 

  • Técnica 1-2-4. De xeito individual, recoñecemento de especies e clasificación de elementos en función de realidade virtual ou audiovisual. 
  • Por parellas, debater e poñer en común os aspectos anteriores. Por último, fóra xa do GV posta en común dos elementos identificados.

Despois da RV: 

  • Escoller un espazo senlleiro da contorna e orzamentar os elementos precisos para facer un metaverso. 
  • Un paso máis: deseño dun metaverso cos medios dispoñibles a través de Unity ou app similar.